Ձեռնարկ

Եթե ցանկանում եք գրանցվել, այցելեք Գրանցում Գրանցման ընթացքում անհրաժեշտ է լրացնել հետևյալ դաշտերը.

Քարտի համարը (ինչպես գրված է քարտի վրա` առանց բացատների).
Ձեր անունը (ինչպես գրված է քարտի վրա).
Վավերական է մինչև.
Ձեր ծննդյան ամսաթիվը.
Ձեր բանկային գաղտնաբառը.
Վիրտուալ քարտի վավերականության ժամկետը.
Վիրտուալ քարտի գաղտնաբառը. (նվազագույնը 8 նիշ, առավելագույնը 16 նիշ, առանց բացատների).
Կրկնել գաղտնաբառը.

1. Քարտի համարը
Այս դաշտում անհրաժեշտ է մուտքագրել Ձեր բանկային քարտի համարը: Այն դաջված է քարտի դիմերեսին: Հիշեք, որ քարտի համարը պետք է մուտքագրել առանց բացատների:

2. Ձեր անունը
Այս դաշտում անհրաժեշտ է մուտքագրել Ձեր անունն այնպես, ինչպես այն դաջված է բանկային քարտի վրա: Եթե անունից առաջ որևէ հապավում կա, օրինակ` Mr., Dr., կամ Miss, այն նույնպես պետք է մուտքագրվի:

3. Վավերական է մինչև
Այս դաշտում անհրաժեշտ է մուտքագրել Ձեր բանկային քարտի գործողության ավարտի ամսաթիվը: Այն դաջված է քարտի դիմերեսին, ՙVALID THRU՚ բառերից հետո կամ "EXPIRES END":

4. Ձեր ծննդյան ամսաթիվը
Այս դաշտում անհրաժեշտ է մուտքագրել Ձեր ծննդյան ամսաթիվը: Այն պետք է համապատասխանի այն ամսաթվին, որը նշել եք քարտը ստանալու համար լրացված բանկային ձևի մեջ:

5. Ձեր բանկային գաղտնաբառը
Այս դաշտում անհրաժեշտ է մուտքագրել այն գաղտնաբառը, որը նշել եք քարտը ստանալու համար լրացված բանկային ձևի մեջ: Սա Ձեր PIN ծածկագիրը չէ: Ուշադրություն. Որոշ բանկային ձևերում "գաղտնաբառ" դաշտը կոչվում է նաև"ՙՁեր մոր օրիորդական ազգանունը": Եթե մոռացել եք գաղտնաբառը, դիմեք Ձեր բանկին այն վերականգնելու համար:

6. Վիրտուալ քարտի
վավերականության ժամկետը Այս դաշտում անհրաժեշտ է նշել ստեղծվող վիրտուալ քարտի գործողության ավարտի ամսաթիվը: Այդ ժամկետը լրանալուց հետո վիրտուալ քարտն ավտոմատ կփակվի: Հիշեք, որ վիրտուալ քարտի վավերականության առավելագույն ժամկետը Ձեր ռեալ քարտի վավերականության ժամկետն է: Վիրտուալ քարտի վավերականության ժամկետի ավարտի պահից հետո կարող եք կրկին գրանցվել համակարգում և նոր վիրտուալ քարտ ստեղծել:

7. Վիրտուալ քարտի գաղտնաբառը
Մուտքագրեք գաղտնաբառ Ձեր վիրտուալ քարտի համար: Այն պետք է բաղկացած լինի առնվազն 8 նիշից և առավելագույնը 16 նիշից: Գրանցման ճիշտ ընթացքից հետո, Ձեր վիրտուալ քարտի համարի և գաղտնաբառի միջոցով Դուք կարող եք մուտք գործել վճարային այս համակարգը և առցանց (on-line) վճարումներ ու գործարքներ կատարել:

8. Կրկնել գաղտնաբառը
Կրկին մուտքագրեք այն գաղտնաբառը, որ նշել եք նախորդ դաշտում:

Բոլոր դաշտերը լրացնելուց հետո սեղմեք ՙՈւղարկել՚ կոճակը:

Այս էջում անհրաժեշտ է սահմանել Ձեր վիրտուալ քարտի միջոցով կատարվելիք միանվագ գործարքի առավելագույն գումարը և բոլոր կատարվելիք գործարքների ընդհանուր գումարը, ինչպես առանձին ծառայությունների, այնպես էլ ընդհանուր սահմանաչափեր բոլոր ծառայությունների համար: Նպատակը հնարավոր կեղծիքներից խուսափելն է:

Էլեկտրաէներգիայի, գազի, ջրի, հեռախոսի (տեղական, միջազգային, բջջային, Easy եւ Alo քարտերի լիցքավորման, ինչպես նաեւ ՎԻՎԱ Սելլ կլասիկ քարտի խոսելավարձի վճարումները կատարելիս` վճարման սահմանաչափերը պետք է նշեք Կոմունալ Վճարումներ բլոկում:

Սննդի, հագուստի, կոշիկի, ծաղիկների, ամսագրերի, գրքերի, ավիատոմսերի, տեխնիկայի, կահույքի, դեղորայքի եւ այլ խանութներից վճարումներ կատարելու համար, անհրաժեշտ է սահմանաչափերը նշել Ապրանքներ Առաքումով բլոկում: Արդյունքում քարտապանը պարտադիր պետք է ստորագրի անդորրագիրը, ապրանքները ստանալուց հետո:

Ինտերնետային ծառայությունից, էլեկտրոնային ծառայությունների բաժանորդագրությունից, խաղատներից, բուքմեյքերային եւ այլ ծառայություններից օգտվելու համար քարտապանը պետք է սահմանաչափերը նշի Էլեկտրոնային Ծառայություններ առանց Առաքման բլոկում:

Վարկի մարում, արժեթղթերի գնում, քարտից քարտ գումարների փոխանցումներ եւ այլ բանկային gործառնություններ իրականացնելիս` անրաժեշտ է սահմանաչափերը նշել Բանկային եւ Ֆինանսական Ծառայություններ բլոկում:

Սահմանել կոմունալ ծառայությունների վճարումների սահմանները

1. Միանվագ գործարքի գումարի սահմանը
Այս դաշտում անհրաժեշտ է սահմանել այն առավելագույն գումարը, որը կարող է վճարվել ցանկացած միանվագ գործարքի ընթացքում: Օրինակ, եթե ընտրում եք 25,000 դրամ, ապա յուրաքանչյուր վճարումը չի կարող գերազանցել 25,000 դրամը: 2. Լիցքավորման ժամկետ
Սա այն ժամանակահատվածն է (օր, շաբաթ, ամիս), որի ընթացքում հաշվվում է գործարքների քանակը:

3. Գործարքների հաշվիչ
Այս դաշտում անհրաժեշտ է նշել ՙԼիցքավորման ժամկետ՚ դաշտում սահմանված ժամանակահատվածում կատարվելիք գործարքների առավելագույն քանակը: Վերը նշված օրինակում յուրաքանչյուր ամսվա ընթացքում հնարավոր է կատարել միայն տասը գործարք:

4. Գործարքների ընդհանուր գումարի սահմանը
Այս դաշտում անհրաժեշտ է սահմանել ՙԼիցքավորման ժամկետ՚ դաշտում նշված ժամանակահատվածում կատարվելիք գործարքների ընդհանուր գումարը: Վերը նշված օրինակում, յուրաքանչյուր ամսվա ընթացքում հնարավոր է ծախսել ընդամենը 210 հազար դրամ:

Հիշեք, որ գրանցումից հետո այս տվյալները փոփոխման ենթակա չեն: Եթե փոփոխության անհրաժեշտություն է առաջանում, ապա պետք է նոր վիրտուալ քարտ գրանցել: Հին քարտն ինքնիրեն կվերանա£

Բոլոր դաշտերը լրացնելուց հետո սեղմեք ՙՈւղարկել՚ կոճակը վիրտուալ քարտի գոյացման հայտը ներկայացնելու համար:

Եթե տվյալները ճիշտ են մուտքագրված, համակարգը վիրտուալ քարտ կստեղծի և դուրս կբերի այն համակարգչի էկրանին: Մի փոքր ուշ համակարգը Ձեզ էլեկտրոնային նամակ կուղարկի ակտիվացման կոդով, որն անհրաժեշտ է Ձեր քարտը գործարկելու համար: Էլեկտրոնային նամակը պարունակում է URL հասցե, որը պետք է այցելել վիրտուալ քարտը գործարկելու համար: Գործարկումից հետո կարող եք օգտագործել Ձեր վիրտուալ քարտը:

ՀԱՄԱԿԱՐԳՆ ՕԳՏԱԳՈՐԾՈՒՄ Է ԱՅՆ ԷԼ-ՓՈՍՏԻ ՀԱՍՑԵՆ, ՈՐԸ ՏՐԱՄԱԴՐԵԼ ԵՔ ԲԱՆԿԻՆ ԳՐԱՆՑՄԱՆ ՁԵՎԸ ԼՐԱՑՆԵԼԻՍ, ԵՎ ՈՐԸ ԳՐԱՆՑՎԱԾ Է ՀԱՄԱԿԱՐԳԻ ՏՎՅԱԼՆԵՐԻ ՇՏԵՄԱՐԱՆՈՒՄ: ԵԹԵ ՁԵՐ ԷԼ-ՓՈՍՏԻ ՀԱՍՑԵՆ ԲԱՆԿԱՅԻՆ ՁԵՎՈՒՄ ՉԵՔ ՆՇԵԼ, ԴԻՄԵՔ ԲԱՆԿԻՆ ԵՎ ԳՐԱՆՑԵՔ ԱՅՆ ԷԼԵԿՏՐՈՆԱՅԻՆ ԳՈՐԾԱՐՔՆԵՐ ԿԱՏԱՐԵԼՈՒ ՀՆԱՐԱՎՈՐՈՒԹՅՈՒՆ ՍՏԱՆԱԼՈՒ ՀԱՄԱՐ: